Daxili İşlər Nazirliyinin “İdman” Cəmiyyətinin İdman təlim şöbəsinin rəisi, polis polkovnik-leytenantı Eduard Məmmədov və “ZV Fight Academy”nin məşqçisi Ayaz Mehdiyevin tələbələri kikboksinqin WAKO versiyası üzrə Avropa çempionatında uğurla çıxış ediblər.
Onlar Türkiyənin İstanbul şəhərində keçirilən yarışda 6 medal qazanıblar. Komanda üzvlərindən Kənan Cəfərli (57 kq) və Ramal Həsənli (81 kq) lokek versiyasında qızıl medala sahib olublar. “Fulkontakt” növündə mübarizə aparan Əli Əmirli (48 kq) turniri gümüş medalla tamamlayıb. Rinat Qiyasov lokek, Bilal Nuriyev “Fulkontakt”, Tahir Abdullayev isə kik-layt versiyasında bürünc medala yiyələniblər.
Leyla SABİRQIZI, XQ
