İdman gimnastımız Nikita Simonov “Challenge” seriyasına aid dünya kubokunda uğurla çıxış edib.
Azərbaycan atleti Türkiyənin Mersin şəhərində keçirilən yarışda halqalarla hərəkətlərin icrasında bütün rəqiblərini qabaqlayaraq qızıl medala layiq görülüb.
Azərbaycanın digər idman gimnastı İvan Tixonov isə Rumıniyanın Buxarest şəhərində keçirilən “RoamGym Trophy 2023” beynəlxalq turnirində bürünc medal alıb. O, dəstəli atda hərəkətlərin icrasına görə fəxri kürsünün üçüncü pilləsinə qalxıb.
Leyla SABİRQIZI, XQ
