Mingəçevirdə Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə “Kürü keçək” adlı açıq suda kütləvi üzgüçülük yarışı təşkil edilib.
Kür çayının iki sahili arasında, 300 metr məsafədə təşkil edilən yarışda Azərbaycanın bütün rayon və şəhərlərindən üzməyi bacaran 300-dək iştirakçı mübarizə aparıb. Yarış başa çatdıqdan sonra qaliblər mükafatlandırılıb.
Mükafatları gənclər və idman naziri Fərid Qayıbov, üzgüçülük üzrə milli komandamızın baş məşqçisi Rəşad Əbdürrəhmanov və Mingəçevir Şəhər İcra Hakimiyyətinin başçısı İlham İsmayılov təqdim ediblər.
L.SABİRQIZI, XQ