Rusiyanın Yekaterinburq şəhərində keçirilən Beynəlxalq Universitet İdman Festivalında Azərbaycan komandası daha 4 medal qazanıb.
Gənclər və İdman Nazirliyindən “Xalq qəzeti”nə bildirilib ki, növbəti qızıl medal taekvondo üzrə qazanılıb. Rəqibləri üzərində inamlı qələbə qazanan Səyyad Dadaşov (54 kq) qalib adına layiq görülüb. Digər dayanq ustalarımız Vaqif Hacıyev (68 kq) və Eltac Qafarov (80 kq) 2-ci, Pərviz İsgəndərov (63 kq) üçüncü yerləri tutublar.
Bununla da, komandamızın əldə etdiyi medalların sayı 26-ya çatıb.
Qeyd edək ki, avqustun 31-dək davam edəcək yarışda Azərbaycanı 69 idmançı təmsil edir.
Leyla SABİRQIZI, “Xalq qəzeti”