İngiltərənin Birmingem şəhərində keçirilən IBSA dünya oyunları başa çatıb.
Mötəbər yarışda ölkəmiz cüdo və şahmat idman növlərində təmsil olunub. Paracüdoçularımız yarışı iki gümüş, bir bürünc medalla başa vurublar. Şahmatçıların yarışında isə komandamız 5-ci yeri tutub.
Qeyd edək ki, dünya oyunlarında cüdo üzrə ölkəmizi kişilərin mübarizəsində İlham Zəkiyev (+90 kiloqram), qadınlarda isə Xanım Hüseynova (70 kiloqram), Şəhanə Hacıyeva (48 kiloqram) təmsil ediblər.
Leyla SABİRQIZI, “Xalq qəzeti”