Macarıstanda təşkil olunan 3x3 basketbol üzrə Dünya Qadın Seriyasının Debretsen mərhələsində təmsilçimiz “Neftçi” uğurla çıxış edib.
Basketbolçularımız final oyununda Almaniyanın “Düsseldorf Zoos” klubu ilə qarşılaşıblar. Oyuna üstün başlayan “Neftçi”, yekunda rəqibi üzərində 21-10 hesabı ilə qələbə qazanaraq Debretsen mərhələsinin qalibi olub. Mərhələnin ən dəyərli oyunçusu (MVP) “Neftçi” klubunun üzvü Bryana Freyzer seçilib. Bu çempionluqla “Neftçi”, Dünya Qadın Seriyasında 4-cü dəfə mərhələ qalibi olub.
Leyla SABİRQIZI, “Xalq qəzeti”
