Rusiyalı həkim Morozovun sözlərinə görə, sitrus mey­vələri və onların müalicəvi xüsusiyyətləri ilə hamımız ta­nışıq. Çoxumuz çayımıza limon əlavə etməyi sevirik. An­caq limonu bizə daha da faydalı edən başqa üsul var. 

Limon və şam ağacı iynələrinin qarışığı ilə xolesterindən daha tez xilas olmaq mümkündür. Çoxumuz bilmirik ki, şam ağa­cı iynələri C vitamini və karotinlə zəngin olan efir yağlarının an­barıdır. Bundan əlavə, o, immunitet sistemini gücləndirən üstün bakterisid xüsusiyyətlərə malikdir. Hətta, limonla qarışımı damar­ları xolesterindən təmizlədiyi üçün insanı aterosklerozun ilk mər­hələsindən xilas edə bilər.

Məlhəmin hazırlanması qaydası belədir: 

2 dolu stəkan doğranmış şam iynələrinə bir neçə ovuc yaba­nı çiçək əlavə edilir. Qarışığa 2–3 stəkan su tökülür və bir saat yarım dəmlənir. Sonra ocağa qoyulur və qaynayana yaxın dərhal götürülür. Soyuduqdan sonra bir ədəd limonun suyu əlavə edilir. Qarışıq qaranlıq yerdə 20–24 saat saxlanır, sonra tənzifdən sü­zülür. 

Yeməkdən 30 dəqiqə əvvəl gündə iki dəfə yarım stəkan iç­mək məsləhət görülür.

Z.HÜSEYNLİ, “Xalq qəzeti”