Moldovanın paytaxtı Kişineuda 15 və 17 yaşlı yeniyetmə oğlan və qızlar arasında ağırlıqqaldırma üzrə Avropa birinciliyində idmançılarımız iki medal qazanıblar.
Körpücük üzərinə çıxan Turan Əliyev yaşı 17-dək olan oğlanlar arasında 67 kiloqram çəki dərəcəsində birdən qaldırma hərəkətində 114, təkanla qaldırma hərəkətində 136 kiloqramı ram edib. Toplam 250 kiloqram nəticə göstərən T.Əliyev yekun sıralamada bürünc medal qazanıb.
Komandamızın digər üzvü, 67 kiloqram çəki dərəcəsində çıxış edən Yunis Bayramov isə yaşı 15-ə qədər olan oğlanlar arasında birdən qaldırma hərəkətində 99 kiloqramı ram edib və bu hərəkətdə üçüncü yeri tutub.
Leyla SABİRQIZI, “Xalq qəzeti”
