İyunun 25-də 34 medal dəsti sahibini tapıb.
Avropa Oyunlarının altıncı günündə tamaşaçılar 17 növdə mübarizəyə şahid olublar. Azərbaycan idmançıları boks, taekvondo, qılıncoynatma, muay-tay və atıcılıqda qüvvələrini sınayıblar.
Muay-tay üzrə təmsilçimiz Aysun Dərvişova (57 kq) və Emiliya Rzayeva (63,5 kq) və Xəyal Əliyev (67 kq) yarımfinala vəsiqə qazanmaqla özləri üçün ən azı bürünc medalı təmin ediblər.
Yarımfinal görüşləri iyunun 26-da keçiriləcək.
Xatırladaq ki, iyulun 2-dək davam edəcək III Avropa Oyunlarında 48 ölkədən 7 minə yaxın idmançı mübarizə aparır. Azərbaycan “Krakov-2023”də 13 növ üzrə 86 idmançı ilə təmsil olunur.
Leyla SABİRQIZI, “Xalq qəzeti”
