Almaniyanın Berlin şəhərində Ümumdünya Xüsusi Yay Olimpiya Oyunlarında komandamız uğurla çıxış edərək 6 qızıl, 5 gümüş və 13 bürünc medal qazanıb.
Turnirin son günündə üzgüçülük yığmamızın üzvü Aidə Rzayeva arxası üstə 25 metr məsafəyə üzmədə bütün rəqiblərini geridə qoyaraq qızıl medala layiq görülüb.
Atletika üzrə yığmamızın üzvü Bəhruz Bənnayev 100 metr məsafəyə qaçışda qalib olub.
Daha bir qızıl medalı yığmamıza oğlanlardan ibarət UNİFİED SPORTS (birləşmiş idman) voleybol komandamız qazandırıb. Finalda Çex Respublikasının yığma komandasına qalib gələn millimiz qızıl medal alıb.
Leyla SABİRQIZI, “Xalq qəzeti”
