Azərbaycan Milli Paralimpiya Komitəsinin güllə atıcılığı üzrə yığmasının üzvləri beynəlxalq turnirdə əzmkar mübarizəni davam etdirirlər.
Almaniyanın Hannover şəhərində keçirilən yarışda kişilərdən ibarət komanda pnevmatik tapançadan 10 metr məsafəyə atəşaçma yarışında gümüş medala sahib olub. Yığmanın heyətində Kamran Zeynalov, Rafiq Əliyev və Rəşad İmaməliyev mübarizə aparıblar. Təmsilçilərimizdən Rafiq Əliyev yüksək nəticə göstərərək, dünya çempionatına lisenziya qazanıb.
Qeyd edək ki, turnir sentyabrın 17-29-da Perunun paytaxtı Limada keçiriləcək dünya çempionatında iştirak üçün lisenziya qazandırır.
L.QURBANOVA, “Xalq qəzeti”
.jpg)