Minifutbol üzrə Azərbaycan milli komandası Bakıda ulu öndər Heydər Əliyevin 100 illik yubileyinə həsr olunmuş beynəlxalq turnirdə növbəti oyununu keçirib. A qrupunda yer alan millimiz üçüncü tur çərçivəsində Gürcüstan yığması ilə üz-üzə gəlib. Yığmamız qarşılaşmada 2:0 hesabla qalib gəlib. Milli komanda bu nəticədən sonra 7 xalla liderliyə yüksəlib. 3 xalı olan Gürcüstan 4-cü sırada yer alıb.
Xatırladaq ki, minifutbolçularımız Çexiya seçməsi ilə ilk oyunda qolsuz heç-heçə edib, ikinci qarşılaşmada isə İtaliya komandasına qalib gəlib – 2:0.
Millimiz qrup oyunları çərçivəsində ayın 4-də Serbiya ilə üz-üzə gələcək.
Qeyd edək ki, qrup birinciləri yarımfinalda, 2-3-cü yerləri tutacaq komandalar isə pley-offa vəsiqə qazanacaqlar.
Turnirə mayın 6-da yekun vurulacaq.