Azərbaycan Basketbol Liqasında XXVI tura start verilib. Turun ilk matçında “Neftçi” və “Gəncə” komandaları üz-üzə gəliblər. “Sərhədçi” İdman Mərkəzində keçirilən görüş olduqca maraqlı alınıb.
Belə ki, “Gəncə”nin əsas oyunçularından olan Cared Smol son saniyədə atdığı “üçlük”lə komandasına 87:86 hesablı qələbə qazandırıb. Bu nəticədən sonra xallarını 45-ə çatdıran komanda həm liderliyə yüksəlib, həm də “pley-off”a vəsiqəni təmin edib.
Ən məhsuldar basketbolçular “Neftçi”dən Mohsen Moradxani (23 xal, 8 ribaund), “Gəncə”dən isə Kollin Törner (24 xal, 9 asist) olublar.
Turun digər “Sabah” – “NTD”, “AAAF Xırdalan” – “Sərhədçi” və “Zirvə Astara” – “Olimpik Şəki” matçları aprelin 15-i və 16-da keçiriləcək.
Elçin AĞAMİRZƏ, “Xalq qəzeti”
.jpg)
.jpg)
