Özbəkistanın paytaxtı Daşkənddə şahmat üzrə Aqzamov memorialı start götürüb. Bu barədə Azərbaycan Şahmat Federasiyasının mətbuat xidmətindən qəzetimizə bildirilib ki, turnirdə ölkəmizin iki şahmatçısı – Misrətdin İsgəndərov və Vüqar Rəsulov mübarizə aparırlar.
Aprelin 12-dək davam edəcək yarışda 63 şahmatçı birincilik uğrunda yarışacaq. Turnirin reytinq favoriti yerli idmançı Şamsiddin Vohidovdur.
Qeyd edək ki, ümumilikdə, memorialda 11 ölkədən şahmatçılar iştirak edirlər.
Elçin AĞAMİRZƏ, “Xalq qəzeti”
