Sabunçu rayonu, Bakıxanov qəsəbəsində qaz sayğacına qanunsuz müdaxilə aşkar edilib.
“Azəriqaz” İB-dən “Xalq qəzeti”nə verilən məlumata görə, qanunsuzluq Mehriban Mehdiyevaya və Allahyar Əliyevə məxsus fərdi yaşayış evlərində aşkar olunub.
Kənar müdaxiləyə məruz qalan hər 2 fərdi yaşayış evinin sayğacları laboratoriyada yoxlanılması üçün Birliyin Metrologiya Departamentinə gətirildi. Abonentlərin razılığı ilə ilk olaraq sayğaclara vizual baxış keçirildi və qanunsuz kənar müdaxilə halı təsdiq olundu.
“Azəriqaz” İB bir daha abonentləri qaz sayğaclarına edilən qanunsuz kənar müdaxilələrdən uzaq durmağa çağırır. Əks halda qanun çərçivəsində tədbirlər görüləcək.
"Xalq qəzeti"
