Ekologiya və təbii sərvətlər nazirinin müavini Umayra Tağıyeva “Caspian Energy Forum”unda çıxışı zamanı bildirib ki, bu gün dünyanın əsas prioritet hesab etdiyi “yaşıl” keçidin əsas iştirakçılarından biri olan Azərbaycan dövlə­ti ekoloji problemlərin həllinə böyük önəm verir və bu istiqamətdə əməli işlər görür, ətraf mühitin sağlamlaşdırılması, eləcə də çirklənmiş ərazilərin ekoloji vəziyyətinin yaxşılaşdırılması kimi mühüm layihələr reallaşdırır. 

Nazir müavini vurğulayıb ki, 30 ildən sonra işğaldan azad edilən yaşayış sahələ­rində karbon neytrallığına nail olinması qarşıya mühüm vəzifə kimi qoyulub. Bu ərazilərdə yenidənqurma işləri ilə bərabər, ekoloji bərpa məsələlərinə xüsusi diqqət ayrılıb, meşəsalma tədbirlərinin davamlı şəkildə həyata keçirilməsinə başlanılıb. 

U.Tağıyeva qeyd edib ki, qlobal iqlim dəyişmələri ilə bağlı ən yüksək platfor­ması olan BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına evsa­hibliyi etmək çox böyük məsuliyyətdir: “Bütün ölkə bu mötəbər tədbirə hazırla­şır. COP29-a sədrliyimiz çərçivəsində qlobal iqlim gündəliyinin uzun illərdir açıq qalan iqlim maliyyəsi üzrə razılaşma əldə olunmalıdır. Dünyada kifayət qədər maliyyə resursları mövcuddur. Lakin qlo­bal miqyasda iqlim prroblemlərinin həlli üçün maliyyə axınlarının necə həll edil­məsi və hara yönəldilməsi, necə xərclən­məsi vacib məsələlərdən biridir. Bu ma­liyyənin düzgün yerlərə yönəldilməsi çox vacibdir”.