Energetika Nazirliyinin iqtisadiyyat şöbəsinin müdir müavini Eldar Əhmədovun Bakıda keçirilən “Yaşıl iqtisadiyyatda kiçik və orta biznesin rolu” mövzusunda konfransda bildirdiyinə görə, dövlət başçısının bu il martın 1-də imzaladığı müvafiq fərmanla yaradılan Enerji Effektivliyi Fondu kiçik, orta və böyük məbləğdə kreditlər verəcək. 

Kiçik kreditlər min manatdan 50 min manata qədər olmaqla 5 il, orta kreditlər 50 min manatdan 1 milyon manata qədər olmaqla 10 il, böyük kreditlər isə 1 milyon manatdan 10 milyon manata qədər olmaqla 15 il müddətinə ödəniləcək. Fond enerji re­surslarından səmərəli istifadə, enerji effek­tivliyi üzrə tədbirlərin stimullaşdırılması və təşviqi məqsədilə yaradılıb. Qurumun bu ilin sonuna, gələn ilin əvvəlinə fəaliy­yətə başlaması nəzərdə tutulub. 

Yeni fond kreditlər, qrantlar, hüquqi və fiziki şəxslərin könüllü ianələri, bey­nəlxalq təşkilatların, eləcə də donorların ayırmaları əsasında formalaçacaq. Bu ma­liyyə qurumu, həmçinin həmin vəsaitlərin idarə edilməsindən gəlir əldə edəcək. 

Eldar Əhmədovun bildirdiyinə görə, vəsaitlərin “ağıllı” sayğac və sistemlərin, yüksək, effektiv kogenerasiya qurğularının tətbiqi, bərpaolunan enerji mənbələrin­dən istifadə, texnika və texnologiyaların yaradılması istiqamətlərində xərclənməsi nəzərdə tutulur.