Azərbaycanda, Qızılağac Milli Parkında ilk dəfə “Flaminqo festivalı” keçirilib. Tədbirdə Azərbaycanın qorunan ərazilər şəbəkəsini, iqlim dəyişməsinin biomüxtəlifliyə təsiri və bioloji müxtəlifliyin hazırkı vəziyyətini əks etdirən stendlər, məlumat lövhələri, milli parkların təbiətinə, flora və faunasına aid tanışlıq guşələri, suvenirlər, həmçinin Qızılağac Milli Parkına aid rəmzlər nümayiş olunub.

Festivalda dövlət qurumları, qeyri-hö­kumət təşkilatları, universitetlər və bey­nəlxalq təşkilatların nümayəndələri, eləcə də milli parkı ziyarət edən turistlər iştirak ediblər.

Dünən axşam sa­atlarınadək davam edən tədbirdə iştirak­çılar Qızılağac Milli Parkı ərazi­sində qayıq və kvadrasikllarla gəzərək, körfəz ərazisində quş koloniyalarını müşahidə ediblər.

Festival çərçivəsində 1 mil­yon çəkikimi balıq körpəsi Qı­zılağac Milli Parkının körfəz ərazisinə, milli parkın faunasına xas olan turac quşları isə təbiətə buraxılıb.

XQ