ABŞ Senatı Prezident Donald Tramp tərəfindən Medicare və Medicaid Services (CMS) Mərkəzlərinin direktoru vəzifəsinə irəli sürülən türk kardiocərrah Mehmet Özün namizədliyini təsdiqləyib. Məlumatı “Anadolu” verib.
Senatda keçirilən səsvermə zamanı 53 millət vəkili Özün namizədliyinin lehinə, 45-i isə əleyhinə səs verib.
Yaşlılara və aztəminatlı əhaliyə səhiyyə xidməti göstərən ölkənin aparıcı qurumlarına rəhbərlik edəcək Öz bu vəzifəyə təyin olunan ilk türkdür.
ABŞ-da Medicare 65 yaşdan yuxarı yaşlılara tibbi xidmət göstərən federal tibbi sığorta proqramıdır. Öz növbəsində, Medicaid, yoxsulların, əlillərin, aztəminatlı ailələrdən olan uşaqların və digər sosial cəhətdən həssas şəxslərin tibbi xərclərini ödəməyə kömək edən birgə federal və əyalət Amerika səhiyyə proqramıdır.
CMS 160 milyon amerikalının illik xərcləri 1 trilyon dollardan çox olan tibbi sığortaya nəzarət edir.
P.ƏMİRCANOV
XQ
.jpeg)
