Sofiyada vətəndaşlar Nazirlər Şurası, Prezident Administrasiyasının binası və Milli Məclisin qarşısında etiraz aksiyası keçiriblər.
AZƏRTAC xəbər verir ki, bu barədə Bolqarıstanın BTA xəbər agentliyi məlumat yayıb. Bildirilib ki, nümayişdə ictimai xadimlər və müxtəlif vətəndaş cəmiyyəti təşkilatlarının nümayəndələri iştirak ediblər. Onlar ötən ilin oktyabrında keçirilən ümumi seçkilərdə yol verilən qanun pozuntularından narazı olduqlarını qeyd ediblər.
Mitinqin təşkilatçıları tələbləri yerinə yetirilənə qədər aksiyaları davam etdirəcəklərini bildiriblər.
