İraqın kürd muxtar vilayətinin rəhbəri Məsud Bərzani Türkiyədə səfərdədir.
AZƏRTAC xəbər verir ki, səfər çərçivəsində Bərzani ilə Türkiyənin xarici işlər naziri Hakan Fidanın görüşü olub.
Onun daha sonra Ankarada Türkiyə Prezidenti Rəcəb Tayyib Ərdoğan tərəfindən qəbul ediləcəyi gözlənilir.
Görüşdə ikitərəfli əlaqələr və regional məsələlər, o cümlədən rəsmi Ankara ilə Ərbil arasındakı münasibətlər, Suriyada baş verən son hadisələr, regional təhlükəsizlik və enerji, eləcə də terrorizmə qarşı mübarizə sahəsindəki əməkdaşlıq kimi məsələlərin müzakirə olunacağı ehtimal edilir.
