.jpg)
Avropa diplomatiyasının rəhbəri Kaya Kallas hesab edir ki, Rusiyanın dünyada nüfuzu artır. Məlumatı “İzvestiya.ru” verib.
“Əgər ABŞ Çindən narahatdırsa, deməli, ilk növbədə Rusiyadan narahat olmalıdır. Biz Rusiya, İran, Şimali Koreya və Çinin birlikdə işlədiyini görürük. Və biz Rusiya prezidenti Vladimir Putinin başqa ölkələrdə nə etdiyini görürük, o, rel şəkildə özünün təsirini gücləndirir”, - deyə Kallas bazar günü Kiyevə səfəri zamanı Ukraynanın “Obşestvennoye” nəşrinə müsahibəsində deyib.
Kallas dekabrın 1-dən Aİ-nin xarici işlər və təhlükəsizlik siyasəti üzrə yeni ali nümayəndəsi kimi işə başlayıb. Həmin gün o, Avropa Şurasının rəhbəri Antonio Kosta ilə birlikdə Kiyevə getdi. Bundan əvvəl Kallas Estoniyanın baş naziri vəzifəsində çalışıb və dəfələrlə Rusiya əleyhinə bəyanatlar verib.
P.ƏMİRCANOV
XQ
