Rusiya ABŞ ilə münasibətləri normallaşdırmağa açıqdır, lakin Vaşinqton buna cavab olaraq addım atmalıdır. Bunu noyabrın 19-da Kremlin rəsmi nümayəndəsi Dmitri Peskov deyib. Məlumatı “İzvestiya.ru” verib. 

“Rusiya Prezidenti Vladimir Putinin dediyi kimi, Moskva normallaşmaya açıqdır. Ancaq biz tək tanqo rəqsini oynaya bilmərik. Biz bunu etməyəcəyik”, - o bildirib. 

Peskov həmçinin vurğulayıb ki, sanksiyalar yarışını Moskva deyil , Amerika tərəfi başladıb.

Bundan əvvəl, noyabrın 6-da Peskov bildirmişdi ki, Vaşinqtonla Moskva arasında münasibətlər ən aşağı tarixi nöqtədədir. O qeyd edib ki, Rusiya tərəfi ədalət, bərabərlik və iki ölkənin narahatlıqlarına əsaslanan dialoqa həmişə hazırdır.

Avqustun sonunda ABŞ-nin yeni seçilmiş prezidenti Donald Tramp bəyan etmişdi ki, Rusiya ilə ABŞ arasında yaxşı münasibətlər qurmaq düzgün yanaşmadır. Onun sözlərinə görə, “Rusiya ilə anlaşma yaxşıdır, pis deyil, ağıllıdır”.

P.ƏMİRCANOV

XQ