Türkiyənin Respublikasının dövlət nümayəndələrindən ibarət heyət Özbəkistanda rəsmi səfərdədir.
AZƏRTAC xəbər verir ki, Türkiyə heyətinin tərkibinə ölkənin XİN başçısı Hakan Fidan, daxili işlər naziri Ali Yerlikaya və Milli Kəşfiyyat Təşkilatının (MİT) rəhbəri İbrahim Kalın daxildir.
Səfər çərçivəsində keçiriləcək görüşlərdə təhlükəsizlik məsələləri başda olmaqla, ikitərəfli və çoxtərəfli əməkdaşlıq sahələri ətrafında fikir mübadilələrinin aparılması gözlənilir.
Türkiyənin XİN rəhbərinin Daşkənddəki ilk görüşü Özbəkistan Respublikasının xarici işlər naziri Baxtiyor Saidov ilə baş tutub.
.jpg)
