BALTOPS hərbi təlimləri 2024-cü ildə tarixdə Baltik dənizində keçiriləcək. Təlimdə NATO-nun 20 ölkəsindən 50 hərbi gəmi iştirak edəcək, 30-dan çox gəmi artıq Klaypeda limanında dayanıb. Məlumdur ki, liman bir neçə aydır onları qəbul etməyə hazırlaşır.

Qeyd olunur ki, ən böyük dəniz təlimlərində NATO-nun 20 ölkəsindən 9 min hərbçi, 50 gəmi və 80 təyyarə iştirak edəcək. 53-cü təlim Alyansın birliyini və düşmənləri dəf etmək əzmini nümayiş etdirir.

“Rusiya son aylarda və həftələrdə Baltikyanı regionda mümkün sərhəd dəyişiklikləri ilə bağlı müxtəlif bəyanatlar verir, sualtı infrastruktur üçün risklərin artması əlamətləri var və bütün bu məsələlər və təhdidlər NATO-nun hazırkı təlimlərində öz əksini tapır”, - Hərbi Dəniz Qüvvələrinin  əməliyyatlar rəisi Giedrius Premeneckas bildirib. 

Əlavə edilib ki, təlimlər Klaypeda limanından başlayacaq və gəmi komandirləri sabah tapşırıqlar alacaqlar. Əməliyyatlar bütün Baltik dənizində aparılacaq. İsveç öz növbəsində NATO üzvü kimi ilk dəfə təlimlərdə iştirak edir.

O da məlumdur ki, təlimlər zamanı Klaypeda 32 hərbi gəmiyə ev sahibliyi edəcək ki, onlardan ən böyüyü ABŞ Hərbi Dəniz Qüvvələrinin 210 metrlik Nyu York esminesi olacaq.

BALTOPS 24 təlimi ABŞ-ın Avropa və Afrika Dəniz Qüvvələri və ABŞ-ın 6-cı Donanması tərəfindən təşkil olunur. Dənizdə aktiv əməliyyatlar bu cümə günü başlayacaq.

S.ELAY

XQ