Ermənistan və Azərbaycan sərhədində Rusiya sərhədçilərinin müşahidə məntəqələri baş nazir Nikol Paşinyanın şəxsi xahişi ilə yerləşdirilib. Bu barədə Rusiya səfiri Sergey Kopırkin İrəvanın 24News portalına müsahibəsində bildirib. Məlumatı TASS verib. 

“2020-ci ildə vəziyyətin sabitləşməsinə kömək məqsədilə baş nazirin (Nikol Paşinyanın) şəxsi xahişi ilə Rusiyanın hesabına Azərbaycanla sərhəddə yerləşdirilən müşahidə məntəqələrimizi qeyd etməyəcəyəm. Ermənistan tərəfi heç vaxt Rusiya müşahidə məntəqələrinin yerləşdirilməsini qanuniləşdirmək qərarına gəlməyib”.

Rusiya Ermənistana qarşı xarici təcavüz olacağı təqdirdə müttəfiqlik öhdəliklərini yerinə yetirməyə hazırdır, lakin bunu İrəvandan soruşmağa dəyər: “Rusiyanın bizim əldə etdiyimiz razılaşmalar vasitəsilə üzərinə götürdüyü öhdəliklərdən imtina etdiyinə inanmaq üçün heç bir əsasım yoxdur. Bizim bütün açıq bəyanatlarımız bunu şübhə altına almağa əsas vermir. Mən özüm də sual vermək istəyirəm: dostcasına olmayan bəyanatlarla (Ermənistan hakimiyyətinin bəzi nümayəndələrinin bir hissəsi) hansı məqsəd güdülür? Rusiyanın öz öhdəliklərini yerinə yetirməsi hələ də lazımdır, yoxsa bu öhdəlikləri yerinə yetirməməsi üçün vəziyyət yaratmaq lazımdırmı? İxtiyari olaraq belə bir sual yaranır, əvvəllər bu barədə düşünməmişdik, amma indi məcburuq”, - deyə o, jurnalistin Azərbaycandan hücum olacağı təqdirdə Rusiya Federasiyasının üzərinə düşən öhdəlikləri yerinə yetirib-yetirməyəcəyi sualını cavablandırıb. 

P.ƏMİRCANOV
XQ