Türkiyəyə F-16 qırıcılarının verilməsi ABŞ və NATO müttəfiqlərinin maraqlarına uyğundur. Bu barədə “Anadolu” agentliyinin müxbirinə ABŞ Milli Təhlükəsizlik Şurasının nümayəndəsi məlumat verib.
O, həmçinin vurğulayıb ki, Birləşmiş Ştatlar Türkiyə parlamentinin İsveçin NATO-ya üzv olma ərizəsini təsdiq etməsini alqışlayır.
Ağ Ev sözçüsü qeyd edib ki, ABŞ Prezidenti Co Bayden əvvəldən Türkiyənin F-16 donanmasının modernləşdirilməsini dəstəkləyib: “Bu (Türkiyəyə F-16-ların tədarükü) NATO daxilində qarşılıqlı fəaliyyət qabiliyyətini artıracaq və ABŞ-ın milli maraqlarına uyğundur”.
Onun sözlərinə görə, Ağ Ev administrasiyası “xarici ölkələrə silah satışında mühüm rol oynayan” ABŞ Konqresi ilə bu məsələ üzərində işləyir.
P.ƏMİRCANOV
XQ
