Albert Eynşteyn vurma cədvəllərini heç vaxt öyrənməyib. Məktəb müəllimləri hesab edirdilər ki, onun akademik sahədə gələcəyi yoxdur. Bununla belə, Eynşteyn fizika sahəsində araşdırma və tədqiqatlarını davam etdirərək tarixin ən nüfuzlu alimlərindən biri oldu. Bu, onu göstərir ki, zəka və istedad həmişə ənənəvi təhsil göstəricilərində əks olunmur və uğura aparan yolu tapmaq vacibdir.
Onu da qeyd edək ki, Eynşteyn uşaqlığında danışmaqla bağlı problem də yaşayıb. Dili çox gec açılan Eynşteyn 9 yaşına qədər çətinliklə danışıb. Valideynləri onun xəstə olduğunu düşünərək narahat olublar. Ancaq bir dəfə axşam yeməyi zamanı səssizliyi balaca Eynşteyn pozub: “Bu yemək çox istidir”.
Ondan indiyə qədər niyə danışmadığını soruşduqda isə belə cavab verib: “Çünki indiyə kimi hər şey qaydasında idi”. Maraqlıdır ki, Eynşteyn üzgüçülükdən başqa digər idman növlərini sevməyib. Ümumiyyətlə o, enerji sərfiyyatına səbəb olan fiziki fəaliyyətə qarşı olub. Və özünün dediyi kimi, zehni işdən başqa heç nəyə enerji sərf etmək həvəsində olmayıb.
Ə.PÜNHAN
XQ