Məşhur ABŞ Prezidenti Avraam Linkoln hündür və qamətli bir insan olub. Onun boyu təxminən 193 santimetr idi. Ancaq az adam bilir ki, Linkoln, həm də qeyri-adi gücü ilə tanınırdı. Belə ki, bir hərəkətlə 136 kiloqrama qədər olan çantanı başının üzərinə qaldıra bilirdi. Linkoln yeganə dövlət başçısıdır ki, barmen işləmək üçün lisenziyası olub. Çalışdığı barın adı isə “Berry and Lincoln” olub.
Rəy sorğularına əsasən Linkoln ABŞ tarixinin ən yaxşı prezidentlərindən biri hesab olunur, halbuki hakimiyyəti dövründə çoxsaylı tənqidlərə məruz qalmışdı.
Onun qatili məşhur aktyor Con Uilks Butt idi və Linkoln özü də onu bəyənənlərdən biri olub. Aktyor 14 aprel 1865-ci il tarixində Ford teatrının səhnəsində qoyulan “Mənim amerikalı qohumum” tamaşası zamanı prezident lojasına daxil olaraq onun başına tapancadan atəş açıb.
Buttu 12 gündən sonra Vircinya ştatında anbarda gizlənərkən tapıblar. Qatilin son sözləri belə olub: “Anama deyin ki, mən vətənim üçün mübarizə apararaq həlak oldum”.
Ə.PÜNHAN
XQ
