Cənubi Koreya parlamenti itlərin qida məqsədi ilə yetişdirilməsi və kəsilməsini qadağan edib. Qanun layihəsi səs çoxluğu ilə qəbul edilib. Artıq yemək üçün it kəsən şəxsə qarşı maksimum 3 il həbs cəzası və 23 min dollar cərimə nəzərdə tutulub.
Qanun layihəsi it ətindən hazırlanmış və ya emal edilmiş qida məhsullarının paylanmasını və satışını da qadağan edir. Təsərrüfat sahiblərinə, it əti restoranları və it ticarəti ilə məşğul olan sahibkarlara bizneslərini bağlamaq və ya dəyişdirmək üçün üç illik güzəşt müddəti verilir.
Məlumat üçün bildirək ki, ölkədə hazırda 1100-ə yaxın it ferması fəaliyyət göstərir. Bu fermalarda qida məqsədləri üçün yarım milyona yaxın it yetişdirilir.
Qanun layihəsi imzalanması üçün prezident Yun Suk Ola göndərilib.
P.ƏFƏNDİ
XQ