Yüksək qan təzyiqi və ya hipertoniya infarktdan tutmuş bir çox ciddi sağlamlıq problemlərinin xəbərdaredici əlamətidir. Mütəxəssislər yüksək təzyiqi aşağı salmaq üçün 4 meyvədən daha tez-tez istifadə etməyi məsləhət görürlər:
Banan. – Bu meyvə ürəyə faydalı olan kaliumla zəngindir. Natriumun orqanizmə təsirini azalda və qan damarlarının divarlarında gərginliyi aradan qaldıra bilir. Makronutrient bədəndən artıq mayenin çıxarılmasına kömək edir.
Avokado. – Banan kimi, avokadoda da böyük miqdarda kalium var. Bundan əlavə, meyvədə ürək-damar sağlamlığını yaxşılaşdıran pəhriz lifləri mövcuddur.
Giləmeyvə. – Moruq, qaragilə və böyürtkən hipertoniya üçün faydalıdır. Giləmeyvələrdə antosiyaninlər də daxil olmaqla antioksidanlar var. Tədqiqatlar bunun qan təzyiqini aşağı salmağa kömək edə biləcəyini göstərir.
Kivi. – Meyvə C vitamini mənbəyidir. Elmi məqalələr hipertoniya üçün yaşıl meyvənin faydalarını sübut edib. Son araşdırmalar göstərir ki, gündəlik kivi yemək sistolik qan təzyiqini aşağı sala bilər.
Z.HÜSEYNLİ
XQ