“Köpük dumanlığı” Yerdən təxminən 71 min işıq ili uzaqlıqda yerləşir. 1787-ci ildə ingilis astronomu Uilyam Herşel tərəfindən kəşf edilən bu ulduzun yaşı, təxminən, 4 milyon ildir və o, Günəşdən, təqribən 45 dəfə böyükdür. Dumanlıq saatda 4 milyon mil sürətlə hərəkət edir. Onun içində ulduzların heyrətamiz görüntüsü müşahidə olunur.
Bu ulduz kosmosda mövcud olan isti qaz topluluğundan ibarətdir. Bu qazlar müxtəlif rənglərdə əks olunur. Rənglər temperaturların dərəcələrinə görə fərqlidir. Məsələn, oksigen mavi işıq yayan duman, hidrogen və azotun qarışığı isə sarı rəngli dumandır.
Qeyd edək ki, qaz və dumanlığın içində seyrək yayılmış ulduzlar kosmosun qaranlığını əlvan rənglərlə boyayır. Təəssüf ki, kosmosdakı gözəllikləri biz adi gözlə görə bilmirik.
Ayan SƏMƏDQIZI,
tələbə-jurnalist
