Dünən HƏMAS rəhbərliyi İsraillə atəşkəs razılaşması fonunda girovların üçüncü qrupunu təhvil verib. Bu barədə “Amerikanın səsi” radiosu məlumat yayıb. 

İsrail tərəfi daha əvvəl bildirmişdi ki, HƏMAS-ın gün ərzində azad edəcəyi girovların siyahısını əldə edib. Qeyd edək ki, girovların üçüncü raundunun azad edilməsi dörd günlük atəşkəsin üçüncü gününə təsadüf edir.

Girovlar və itkin düşənlər üzrə koor­dinatorun ofisindən verilən açıqlamada deyilir ki, təhlükəsizlik əməkdaşları si­yahıları yoxlayıblar və bu barədə girov­ların ailələrinə məlumat verilib. 

Bu arada İordan çayının qərb sahi­lində ağır zorakılıq hadisəsi baş verib. Fələstinin Səhiyyə Nazirliyinin rəsmisi bazar günü bildirib ki, İsrail qüvvələri dünən gecə İordan çayının qərb sahi­lində azı altı fələstinlini güllələyib. Rəs­mi Təl-Əviv bu faktı nə təsdiq, nə də təkzib edib. 

Dünən HƏMAS axşam saatlarında 13 israilli və 4 taylandlı olmaqla 17 gi­rovu azad edib. Sərbəst buraxılan 13 israillinin əksəriyyəti “Kibbutz Beeri”­dən olan yeddi uşaq və altı qadındır. Bundan qısa müddət sonra, İsrail 39 fələstinli məhbusu sərbəst buraxıb.

İsrail Baş nazirinin ofisi bu gün üçün azad ediləcək girovların siyahı­sını aldığını, bunun dörd razılaşdırıl­mış mübadilədən üçüncüsü olduğunu bildirib.

Ağ evin milli təhlükəsizlik müşa­viri Cek Sallivan “NBC” telekanalının aparıcısına deyib ki, ABŞ-ın ən azı bir amerikalı girovun, 4 yaşlı qızın tezliklə azad ediləcəyinə ümidi var.

Onun sözlərinə görə, həmin ame­rikalı qız HƏMAS-ın İsrail tərəfindən müxtəlif cinayətlərə görə həbs edilən 150 fələstinlini azad etməyə razılaşdığı 50 girov arasında ola biləcək üç ameri­kalıdan biridir.

XQ