Dünya ədəbiyyatına “Tom Soyerin macəraları”, “Şahzadə və dilənçi”, “Geklberri Finnin macəraları” kimi məşhur romanlar bəxş etmiş amerikalı yazıçı Mark Tvenin həyatının ən vacib iki günü barədə maraqlı açıqlaması var.
Məşhur yazıçı bu barədə öz dövründə çox müdrik sözlər deyib: “Sənin həyatının ən əhəmiyyətli iki günü bunlardır: anadan olduğun və dünyaya nə üçün gəldiyini anladığın gün”.
Mark Tven bununla demək istəyirdi ki, həyatda iki məqam hər şeydən üstün və vacibdir. Birinci, insanın dünyaya göz açdığı və özünün həyat yoluna başladığı məqamdır. İkinci məqam isə insanın ona verilən həyatda məqsədini tam anladığı, nə üçün yaşadığını və nəyə nail olmağa çalışdığını dərk etməsi ilə bağlıdır
Bu iki məqamı birləşdirməyə çalışan yazıçı Mark Tvenin (əsl adı Semuel Lenqxorn Klemens) sözünün fəlsəfəsi ondan ibarətdir ki, doğulub ömür sürməkdən daha vacibi həyatda öz təyinatını və yerini tapmaqdır. Nə yazıqlar ki, bu tale həyatda heç də hamıya nəsib olmur.
İ.HƏSƏNQALA
XQ