Rusiyanın zərgərlik markası “Alrosa” Yakutiyadakı mədəndən 390,7 karatlıq brilyantın çıxarıldığını açıqlayıb.
Bunun son 10 ildə Rusiyada çıxarılan ən böyük almaz olduğu bildirilir.
Bu qiymətli daşın kütləsi, forması və rəngi onu digərlərindən fərqləndirir.
Rusiya dövlətinə məxsus zərgərlik nümunələri satan şirkət son illərdə iri ölçülü daşları hərraca çıxarır. Rəsmilər isə Rusiya–Ukrayna müharibəsinə görə bu daşın çətin satıla biləcəyini deyirlər.
Qeyd edək ki, ABŞ və Qərb ölkələrinin sanksiyalarından sonra “Alrosa” Asiya və Hindistan bazarlarına üstünlük verməyə başlayıb.
S. FİDAN
XQ
