Bu günlərdə dünyanın çox yerində insanlar anomal istilərdən əziyyət çəkirlər. Belə ölkələrdən biri də Afrikanın şimalında yerləşən Mərakeşdir.
Dünən bu ölkədə yeni yüksək temperatur rekordu qeydə alınıb. Mərakeşin Baş Meteorologiya İdarəsinin məlumatına əsasən, ölkənin cənubundakı Aqadir stansiyasında havanın temperaturu Selsi üzrə 50,4 dərəcəyə çatıb. Qeyri-adi istilərin ölkədə törətdiyi fəsadlarla bağlı məlumat verilməyib.
Xəbərdə o da bildirilib ki, bu, Mərakeşdə meteoroloji ölçmələr tarixində ən yüksək göstəricidir.
Ceyran CƏFƏRLİ, “Xalq qəzeti”
