İstifadəçi təcrübəsini yaxşılaşdırmaq üçün davamlı olaraq yeniliklər edən “İnstagram” tətbiqə bəzi yeniliklər edəcəyini açıqlayıb. Bu yeniliklər istifadəçilərə musiqi, fotoşəkil və videolar vasitəsilə bir-biri ilə daha yaxşı əlaqə saxlamağa imkan verəcək. Bu xüsusiyyətlər hansılardır?
1. Paylaşılan postlara musiqi əlavə etmək mümkün olacaq
Instagram məşhur müğənni və bəstəkar Olivia Rodrigo ilə əməkdaşlıq edərək istifadəçilərə videolarında bəstəkarın mahnılarından istifadə etməyə imkan yaradacaq. Qeyd edək ki, bu xüsusiyyət zamanla hamı üçün əlçatan olacaq.
2. Paylaşımlarda istifadəçi sayı 2 nəfərdən 4 istifadiyəçiyədək artacaq
Bildiyiniz kimi, “İnstagram”da 2 nəfər eyni məzmunu paylaşa bilər. Yeni funksiya sayəsində artıq 4 nəfər eyni anda birlikdə paylaşım edə biləcək.
3. “Add Yours” funksiyası təkmilləşdiriləcək
“İnstagram”ın son zamanlar elan etdiyi funksiya “Add Yours” stikerləri olub. Məzmun yaradıcıları bu stikerlərin köməyi ilə paylaşdıqları videoları öz postlarında önə çıxara biləcəklər. Bu yolla digər istifadəçilər də bu paylaşımları görə biləcəklər.
F. SALMANOVA, “Xalq qəzeti”