NATO-nun baş katibi Yens Stoltenberq Çinin 2035-ci ilə qədər 1500 nüvə başlığına sahib olacağını təxmin etdiklərini bildirib.
Litvanın paytaxtı Vilnüsdə keçirilən NATO sammitinin sonunda keçirilən mətbuat konfransında sualları cavablandırarkən Stoltenberq deyib: “2035-ci ilə qədər Çin bütün Şimali Amerika və Avropaya çata biləcək raketlərə də sahib ola bilər. Təhlükəsizlik artıq regional deyil, qlobal xarakter daşıyır. Çin hərbi imkanlara sərmayə qoyur. Çinin 2035-ci ilə qədər bütün Şimali Amerika və Avropaya, yəni NATO ərazisinə çata biləcək raketlərdə 1500 nüvə başlığına sahib olacağı gözlənilir. Biz Çinin buna nə qədər yaxınlaşdığını görürük".
Anar ƏLİ,
“Xalq qəzeti”
