ABŞ-ın ən sevilən və xarizmatik prezidentlərindən olan Con Kennedi hər səhər azı 4 qəzet oxumağı planlaşdırardı. Qiraətə sərf edilən zaman isə 20 dəqiqədən çox olmamalı idi. O, çox sürətlə mütaliə edirdi. 35-ci Prezident bunu hələ uşaqlıq yaşlarında öyrənmişdi. Onun, həmçinin iti yaddaşı vardı.
C.Kennedi jurnalist peşəsini çox sevirdi. Bu sahədə nəzərəçarpan uğurlar əldə etmişdi. O, həm də gözəl natiq olub. C.Kennedinin 1963-cü ildə Qərbi Berlində şəhər sakinləri qarşısında parlaq çıxışı dünya natiqlik sənətinin ən gözəl nümunələrindən sayılır.
Xatırladaq ki, C.Kennedi 1963-cü il noyabrın 22-də yerli vaxtla saat 12:30-da Dallasda qətlə yetirilib. İndiyə qədər “əsrin cinayəti” ilə bağlı çoxlu versiyalar və fikirlər gəzib-dolaşır. Amerikalıların 70 faizi C.Kennedinin qətli ilə əlaqədar rəsmi açıqlamalara inanmır.
“Xalq qəzeti”
