BFMTV xəbər verir ki, Fransada insanların əksəriyyəti Beşinci Respublikanın prezidenti Emmanuel Makrona pis münasibət bəsləyir.
"Viavoice for Liberation" sorğusunun nəticələrinə görə, fransızların 65 faizi dövlət başçısının imicini mənfi hesab edir.
Qeyd edildiyi kimi, respondentlərin yalnız 30 faizi Makrona müsbət münasibət bəsləyir. Onlardan yalnız 4 faizi prezidentə çox yaxşı münasibət bəsləyir. Mənfi tərəfi odur ki, fransızların 16 faizi dövlət başçısı haqqında düşünərkən ilk emosiya kimi nifrət hissi keçirir. Digər 16 faiz hirs, 13 faiz ikrah və 9 faiz laqeydlik hiss edir.
Eyni zamanda, fransızların 55 faizi hesab edir ki, Fransada azadlıq səviyyəsi xeyli aşağı düşüb və Makron ilk prezidentlik dövrü ilə müqayisədə daha avtoritar liderə çevrilib. Sorğunun nəticələrinə görə, respondentlərin 69 faizi dövlət başçısının ədalətli olmadığına və digər siyasi mövqeləri nəzərə almadığına əmindir.
"Xalq qəzeti"
.jpg)
