AZƏRTAC-ın fotomüxbiri İlqar Cəfərov Beynəlxalq Fotoqrafiya Sənəti Federasiyasının (FİAP) Serbiya və Hindistanda keçirdiyi fotomüsabiqələrin qızıl medalına layiq görülüb.
Serbiyada keçirilən “Lumen Photo Award” fotomüsabiqəsində dünyanın 56 ölkəsindən 234 fotoqraf iştirak edib. 2008-ci ilin sentyabrında Pekində keçirilən XIII Yay Paralimpiya Oyunlarında İlqar Cəfərovun çəkdiyi "Finish" adlı fotosu Serbiya Fotoqrafiya Assosiasiyasının qızıl medalına (FSS Gold Medal) layiq görülüb. Fotomüxbirin "On the cycle track" adlı digər fotosu isə həmin müsabiqədə gümüş medalla mükafatlandırılıb.
Həmçinin onun “Scramble and throw” adlı fotoşəkili Hindistanda “O'RA D FAME CIRCUIT” fotomüsabiqəsində qızıl medal layiq görülüb. Bu foto, həmçinin "On the cycle track" fotosu 2016-cı ildə Braziliyada keçirilən XXXI Yay Olimpiya Oyunlarında çəkilib.
