“Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı”nın icrasından irəli gələn məsələlərə uyğun olaraq tikilən Pirşağı–Novxanı–Xırdalan–M4 avtomobil yolunun Fatmayı kəndi, Ceyranbatan qəsəbəsi və Xırdalan şəhərləri ərazisindən keçən hissəsinin inşası, Ələt azad iqtisadi zonası ərazisində Pirsaatçay çayının məcrasının tənzimlənməsi və Ələt-Astara avtomobil yolunun Ələt hava limanına dönən hissəsində yeni yol qovşağının tikintisi layihələrinin ekoloji cəhətdən qiymətləndirilməsi, bu məqsədlə ekoloji rəyin alınması sahəsində şəffaflığın təmin edilməsi və ictimaiyyətin məlumatlandırılması məqsədilə ictimai dinləmə keçiriləcək.
13 avqust 2025-ci il tarixində, saat 15:00-da Dövlət Ekoloji Ekspertiza Agentliyində keçiriləcək tədbirdə dövlət qurumları, QHT və KİV nümayəndələri, ekoloqlar iştirak edəcək.
Əlaqələndirici şəxs: Elnur Ağayev, Dövlət Ekoloji Ekspertiza Agentliyinin əməkdaşı
- Əlaqə nömrəsi: 0703903225, e-poçt: [email protected]
- Tarix: 13 avqust 2025-ci il
- Saat: 15:00
- Ünvan: Dövlət Ekoloji Ekspertiza Agentliyinin inzibati binası - Heydər Əliyev prospekti 10.
