Dövlət Turizm Agentliyi və Qara Dəniz İqtisadi Əməkdaşlıq Təşkilatı­nın (QDİƏT) birgə təşəbbüsü ilə təşkilata üzv olan 11 dövlətin turizm üzrə ixtisaslaşmış təhsil müəssisələrinin birinci görüşü keçirilib.

BMT-nin Ümumdünya Tu­rizm Təşkilatının nümayən­dələrinin də iştirak etdiyi tədbirdə çıxış edən Dövlət Turizm Agentliyinin sədri Fuad Nağıyev bu görüşün üzv döv­lətlərin turizm təhsili verən ali təhsil müəssisələrinin bilik və təcrübə mübadiləsinin asan­laşdırılması baxımından fay­dalı olacağını vurğulayıb. O, turizm sektorunda iş yerlərinin ildən-ilə çoxalmasına diqqət çəkib və Azərbaycan gənclə­rini karyera imkanlarını nəzərə alaraq ixtisas seçərkən turiz­myönümlü sahələrə üstünlük verməyə çağırıb.

QDİƏT-in Baş katibi La­zar Komanesku çıxış edərək deyib ki, iki gün davam edə­cək tədbirdə turizmin inkişa­fı istiqamətində əməkdaşlıq perspektivləri və turizm təh­silinin inkişafına töhfə verə­cək məsələlər ətraflı müza­kirə ediləcək. “Azərbaycana çox sayda səfərlərim olub. İlk səfərim 2008-ci ildə həyata keçirilib. Mən bura gələn turist­lərin Azərbaycandan nə qədər məmnun ayrıldıqlarına şahid olmuşam. Tam səmimi şəkildə deyə bilərəm ki, Azərbaycanda turizm sektoru günü-gündən inkişaf edir və nəticələri də göz qabağındadır”, – deyə Lazar Komanesku vurğulayıb.

Sonra görüş çərçivəsin­də “Hökumət, akademiya və sənayenin əlaqələndirilməsi: Turizm təhsilində ən yaxşı təc­rübələr” mövzusunda panel keçirilib. Azərbaycan Hotel As­sosiasiyası İB İdarə Heyətinin sədri Eldar Əlimuradov, Ankara Hacı Bayram Vəli Universiteti turizm fakültəsinin professoru Yalçın Aslantürk, Buxarest İq­tisadi Araşdırmalar Universiteti biznes və turizm fakültəsinin dekanı Qabriela Tiqu, Rusiya Turizm Sferasında Beynəlxalq Əməkdaşlıq Departamentinin işçisi Mixail Serov, Varna İq­tisadiyyat Universitetinin nü­mayəndəsi Genka Rafailova mövzu ilə bağlı maraqlı fikirlər söyləyiblər. 

Panel zamanı əsas əmək­daşlıq sahələrinin və tərəf­daşlıq imkanlarının müəyyən edilməsi, əməkdaşlığın təş­viqində problemlər və poten­sial həll yollarının müzakirəsi, məzunların turizm sektorunun tələblərinə hazır olmalarını tə­min etmək yolları, sənayedəki trendlərin təhlili və onların tə­lim proqramlarına daxil edilmə­si kimi mövzular ətrafında fikir mübadiləsi aparılıb.

Aprelin 23-də davam edə­cək görüş çərçivəsində “Kuri­kulum dizaynı: Sabahın ehti­yacları üçün turizm təhsilinin təkmilləşdirilməsi” mövzusun­da panel diskussiya, həmçi­nin “Turizm təhsilində keyfiy­yət təminatı və akkreditasiya” mövzusunda dəyirmi masa keçiriləcək.

XQ