Qırmızı kələm tərkibindəki qida maddələri və komponentləri sayəsində xərçəngdən şəkər xəstəliyinə qədər bir çox xəstəliklərin qarşısının alınmasında təsirli rol oynayır.
Mütəxəssislər bildirirlər ki, qırmızı kələm cəmiyyətdə çox rast gəlinən və əlamətlərindən biri unutqanlıq olan B12 vitamini çatışmazlığını aradan qaldırır.
Unutqanlığın təbii çarəsi hesab olunan qırmızı kələm yaddaşı təzələyir. Antioksidantlarla zəngin olduğu üçün bədəndəki sərbəst radikallarla mübarizə apararaq DNT zədələnməsinin qarşısını alır.
Qırmızı kələm xərçəngə qarşı qoruyucu təsir göstərir. Belə ki, tərkibindəki indol-3 karbinol və kükürd sayəsində xərçəng hüceyrələrinin əmələ gəlməsini əngəlləyir. Pəhriz prosesini asanlaşdıran ən təsirli qidalardan biri olan qırmızı kələm toxluq hissini artırır və çəkiyə nəzarət etməyə kömək edir. Liflə zəngin olduğundan qan şəkərini balanslaşdırır və diabet riskini azaldır.
Qırmızı kələm tərkibindəki kalsium, maqnezium və K vitamini sayəsində sümük sağlamlığını qoruyur və yaxşılaşdırır. Bol C vitamini ehtiva edərək immuniteti gücləndirir. Orqanizmdə iltihabın qarşısını alaraq, daxili orqanları qoruyur.
Kaliumla zəngin olan bu tərəvəz sayəsində ürək-damar xəstəlikləri riski azalır, orqanizmin gündəlik B12 vitamini ehtiyacı ödənir.
Araşdırmalar göstərir ki, qırmızı kələmin bu faydalarından yararlanmaq üçün ondan gündə cəmi 50 qram, təxminən 3 xörək qaşığı yemək kifayətdir.
Z.HÜSEYNLİ
XQ