Gözəl görünüş, yaraşıqlı bədən üçün özünü çörəkdən məhrum edənlər indiyədək səhv ediblər. Əslində çörək pəhriz üçün faydalı imiş.
Müasir dietoloqlar uzun illərdir qadağaya düşən çörəyə “amnistiya” veriblər.Alimlər çörəyi həyati vacib vitamin və minerallarla zəngin hesab edirlər. Pəhrizdə olanlar qoz, tumlar, toxumlar və quru meyvələr əlavə olunmuş çörək yeyə bilərlər. Amma onlar deyilənlərin əksinə olaraq, bildiriblər ki, ağ undan çörək də orqanizmə fayda verir. O, kalsium mənbəyidir.
“The Carb Diet” kitabının müəllifləri isə daha da irəli gedərək, çörəyin kaloriləri yandırdığını bildiriblər. “Bu necə olur?” – sualına onlar belə cavab veriblər ki, çörək yedikdən sonra insan uzun müddət tox olur, yemək istəmir. Buna səbəb çörəkdə olan dayanıqlı nişastadır.
Tədqiqatlar göstərib ki, nişasta iştahı kəsir, qanda şəkərin səviyyəsini saxlayır, metobolizmi sürətləndirir.
Z.HÜSEYNLİ
XQ
.jpg)
