Azərbaycan Həmkarlar İttifaqları Konfederasiyasının (AHİK) dekabrın 20-də keçirilən növbədənkənar VI qurultayı öz işini başa çatdırıb.
Bakı Konqres Mərkəzində keçirilən tədbirdə üç min nəfərə yaxın nümayəndə iştirak edib.
Qurultay öz işinə gündəlikdəki 5 məsələnin müzakirəsi ilə yekun vurub. İlk növbədə İlham Heydər oğlu Əliyevin Azərbaycan Respublikası Prezidentliyə namizədliyinin dəstəklənməsi barədə qərar, həmçinin bununla bağlı Azərbaycan Həmkarlar İttifaqları Konfederasiyasının bəyanatı qəbul edilib.
Sonra qurultay iştirakçıları AHİK-in 2018-2023-cü illər üzrə hesabatını qəbul ediblər. Təftiş komissiyasının hesabatı dinlənildikdən sonra Azərbaycan Həmkarlar İttifaqları Konfederasiyasının sədrinin seçilməsi məsələsinə baxılıb. Səttar Sulihiddin oğlu Möhbalıyev yenidən təşkilatın sədri seçilib.
Qeyd edək ki, 26 sahə həmkarlar ittifaqı birliklərinin könüllü ittifaqı olan AHİK-in 1 milyon 500 min üzvü vardır.
.jpeg)
.jpg)
.jpeg)