"Heydər Əliyev İli" çərçivəsində Lənkəranda “Tarixi zəfərimiz Heydər Əliyev siyasətinin təntənəsidir”, “Ata vəsiyyəti və inamlı zəfər” mövzularınnda konfrans keçirilib. 

Giriş nitqi ilə çıxış edən icra hakimiyyətinin başçısı, Taleh Qaraşov bildirib ki, ümummilli lider Heydər Əliyevin müstəsna xidmətləri sayəsində formala­şan və yüksəliş yoluna qədəm qoyan Azərbaycan Silahlı Qüv­vələri bu gün Müzəffər Ali Baş Komandan İlham Əliyevin rəh­bərliyi altında öz xalqına Böyük Qələbəni bəxş etmiş müzəffər Orduya çevrilib. Bu Zəfərin qa­zanılmasında Ulu öndərin əsa­sını qoyduğu xalq–hakimiyyət, xalq–ordu və xalq–dövlət birliyi dayanır: ”Vətən müharibəsində etnik və dini mənsubiyyətindən asılı olmayaraq, ölkəmizin bü­tün vətəndaşları görünməmiş həmrəylik nümayiş etdirdilər, ön və arxa cəbhədə sarsılmaz birlik yarandı. 

Şəhər rəhbəri qeyd edib ki, bu gün Azərbaycan dünyada ən sürətlə və dinamik inkişaf edən dövlətlərdən biridir. Ölkə­nin iqtisadi qüdrətinin artması müstəqil siyasət yeridilməsinə, əhalinin rifah halının ildən-ilə yüksəlməsinə imkan yaradır. Ulu öndərin müəyyənləşdir­diyi inkişaf strategiyasına uy­ğun olaraq, Prezident İlham Əliyevin rəhbərliyi ilə nəhəng transmilli nəqliyyat və enerji layihələrinin həyata keçirildi­yi Azərbaycanın təşəbbüsləri dünyanın aparıcı dövlətləri tərəfindən dəstəklənir, ölkə­mizə iqtisadi-siyasi dividentlər qazandırır. 

Sonra Lənkəran Dövlət Universitetinin kafedra müdi­ri, dosent Kamal Mahmudov “Zəfər qələbəsi Heydər Əliyev siyasətinin təntənəsidir” möv­zusunda, tarix üzrə fəlsəfə doktoru Mais Cəfərov “44 gün­lük Zəfər yolu” mövzusunda və Lənkəran rayon Çay Fabriki qəsəbə tam orta məktəbinin direktoru Sadiq Quliyev “Hey­dər Əliyevin Zəfər yolu” möv­zusunda çıxış ediblər. 

Bildirilib ki, İkinci Qarabağ müharibəsində qazanılmış parlaq Qələbə güclü dövlət–güclü ordu konsepsiyasının təntənəsidir. 30 il işğal altın­da qalan torpaqlarımız məhz bu konsepsiyanın nəticəsində hərbi-siyasi yolla azad olunub və ərazi bütövlüyümüz təmin edilib. Regionun gündəliyini bu gün Azərbaycanın diktə et­diyi vurğulanıb. Azad olunmuş torpaqlarımızda genişmiqyas­lı bərpa-quruculuq işləri heç kəsdən yardım alınmadan Azərbaycanın öz imkanları he­sabına sürətlə davam etdirilir, Böyük Qayıdış Proqramı çərçi­vəsində uğurlu addımlar atılır. Ulu öndərin siyasi kursunun la­yiqli davamçısı olan Prezident, Müzəffər Ali Baş Komandan İlham Əliyev Azərbaycanı bu böyük uğurlara çatdırmaqla ata vəsiyyətini layiqincə yerinə yetirir. 

Ə.ƏLİYEV
XQ