Naxçıvanda “Qədim diyarda yeni fürsətlər” devizi ilə ilk dəfə karyera forumu keçirilib. Dövlət Məşğulluq Agentliyinin təşkilatçılığı ilə təşkil edilən işgüzar məclisin məqsədi peşəkar kadrların yetişdirilməsi, kadr ehtiyaclarının qarşılanması, əmək bazarına keçidin asanlaşdırılması və peşəkar bacarıqların inkişaf etdirilməsidir.

Açılış mərasimində Azərbaycan Respublikası Əmək və Əhalinin Sosial Müdafiəsi Nazirliyinin tabeliyində keçi­rilən forumda əmək və əhalinin sosial müdafiəsi nazirinin müavini Anar Əliyev ölkəmizdə son illər aparılan sosial is­lahatlar, əmək bazarının inkişafı, aktiv məşğulluq proqramlarının genişləndi­rilməsi üçün atılan addımları diqqətə çatdırıb. O, son 5 ildə qeyri-formal məş­ğulluqla mübarizə sahəsində aparılan tədbirlər nəticəsində əmək müqavilələ­rinin sayında 35 faiz artım olduğunu qeyd edib.

Bildirilib ki, tarixi qələbəmizlə başa çatan Vətən müharibəsindən sonra şəhid ailələri, müharibə iştirakçıları və müharibə ilə əlaqədar əlilliyi olan şəxs­lərin sosial dəstək tədbirləri ilə əhatə olunması istiqamətində mühüm tədbir­lər həyata keçirilib və 124 min şəxsə 300 mindən çox xidmət göstərilib. Artıq ölkədə 6 DOST Mərkəzi fəaliyyət göstə­rir. Yaxın zamanda Naxçıvan şəhərində də belə mərkəz istifadəyə veriləcək.

Vurğulanıb ki, məşğulluq sistemin­də də dərin islahatlar həyata keçirilir. Son 5 ildə məşğulluq orqanları tərəfin­dən 1 milyondan çox şəxslə müxtəlif istiqamətlər üzrə iş aparılıb. Məşğulluq xidmətləri sahəsində innovativ həllərin tətbiqi və rəqəmsallaşdırma işlərindən bəhs olunub. Bu ilin may ayında əmək və məşğulluq sahəsində islahatların yeni mühüm mərhələsinə keçidi təmin edən “Əmək və Məşğulluq” altsistemi­nin istifadəyə verildiyi qeyd olunub.

Forum müddətində 4 yerli və 2 xarici spikerin iştirakı ilə “Bilməmək eyib de­yil, peşəkardan soruşmamaq eyibdir”, “Bacarıq əmək bazarının cövhəridir” və “Dövr elə bu dövrdür” adlı 3 panel üzrə müxtəlif mövzularda işgüzar mü­zakirələr aparılıb, icmallar hazırlanıb. Bütün bunlar əmək bazarının tənzim­lənməsi, kadr potensialının gücləndiril­məsi, gələcəyin ən vacib əmək bacarıq­ları və onlara yiyələnmək yolları barədə müzakirə platforması yaratmağa imkan verəcək.

Səbuhi HƏSƏNOV
XQ

Naxçıvan