DOST İş Mərkəzi tərəfindən “İşsizin dostu” proqramı üzrə ödənişli ictimai işlərə cəlb edilən şəxslər arasında müharibə veteranları, şəhid ailəsi üzvləri, əlilliyi olan şəxslərə üstünlük verilir.
Mərkəzin icra etdiyi proqram üzrə müxtəlif işlərdə çalışanların 8 min nəfəri həmin həssas kateqoriyalardan olan vətəndaşlardır.
“İşsizin dostu” proqramı çərçivəsində 56 min ictimai iş yeri yaradılıb və onların böyük əksəriyyəti ölkəmizin regionlarındadır. Proqrama cəlb olunanlarla əmək müqaviləsi bağlanıb ki, bu da işə cəlb edilənlərin gələcək əmək və sosial təminat hüquqlarının formalaşmasına əsas yaradır.
Zərifə HÜSEYNOVA, XQ
.jpg)
