Dünən Qaçqınların və Məcburi Köçkünlərin İşləri üzrə Dövlət Komitəsi Füzuli şəhərinə birinci mərhələdə köçürüləcək ailələr arasında püşkatma keçirib.
Püşkatmada 144 ailə ( 509 nəfər) iştirak edib və onlara verilən evlərin dəqiq ünvanı müəyyənləşdirilib. Ailə tərkibinə uyğun olaraq, keçmiş məcburi köçkünlərdən 51-i ikiotaqlı, 76-sı üçotaqlı, 17-si dördotaqlı mənzil ilə təmin olunub. Həmin ailələr indiyədək Bakı və Sumqayıt şəhərlərində, Abşeron rayonu ərazisində müvəqqəti məskunlaşma yerlərində yaşayıblar.
Püşkatmada iştirak etmiş ailələr qısa müddətdə Füzuli şəhərinə yola salınacaqlar.
Qəzənfər QASIMOV, “Xalq qəzeti”
